முத்திரைத் தீர்வை

வரைவிலக்கணம்

1990ஆம் ஆண்டின் 17ஆம் இலக்க மத்திய மாகாண நிதி நியதிச்சட்டத்தின் 37ஆம் பிரிவின் கீழ் முத்திரைத் தீர்வை அறவிடப்படுகின்றது. முத்திரைத் தீர்வை பின்வருவனவற்றிற்கு அறவிடப்படும்:

• மத்திய மாகாணத்தினுள் அமைந்துள்ள அசையாச் சொத்தின் கைமாற்றம் தொடர்பான ஒவ்வொரு ஆவணமும்.
• இலங்கையின் மத்திய மாகாணத்தில் சட்டத்தினால் நிறுவப்பட்ட எந்தவொரு நீதிமன்றத்திலும் தொடுக்கப்பட்ட வழக்குகளில் சமர்ப்பிக்கப்படும் அல்லது தாக்கல் செய்யப்படும் ஒவ்வொரு ஆவணமும்.

நடைமுறைக்கு வந்த திகதி

1991 ஜனவரி 1

வர்த்தமானி அறிவித்தல்

இல. 642/18, 1990.12.28

முத்திரைத் தீர்வை வீதங்கள்

* இணை வாரிசுகள் எனப்படுவோர் இறுதி விருப்பாவணமின்றி இறந்தவரின் சொத்தை உரிமையாகப் பெறுபவர்களாவர்.
** திருமண வழக்குகள் சட்டத்தின்படி.

முத்திரைத் தீர்வைக்கான மதிப்பீடு (அசையாச் சொத்து)

(அ) எந்தவொரு சொத்து (அன்பளிப்புச் செய்யப்படும் அசையாச் சொத்து தவிர) மற்றும் எந்தவொரு திகதி தொடர்பிலும் “பெறுமதி” என்பது, அத்திகதியில் திறந்த சந்தையில் விற்கப்பட்டிருப்பின் அச்சொத்திற்குக் கிடைத்திருக்கும் என மதிப்பீட்டாளர் கருதும் விலையாகும்.

(ஆ) 1977 மார்ச் 31 அல்லது அதற்கு முன்னர் நன்கொடையாளரினால் பெறப்பட்ட, அன்பளிப்புச் செய்யப்படும் அசையாச் சொத்துத் தொடர்பில், பின்வருவனவற்றில் குறைந்த விலை:

1. 1977 மார்ச் 31 அன்று திறந்த சந்தையில் அச்சொத்திற்குக் கிடைத்திருக்கும் விலையுடன், அத்திகதிக்குப் பின்னரும் அன்பளிப்பு ஆவணத் திகதிக்கு முன்னரும் செய்யப்பட்ட மேம்பாடுகள், மாற்றங்கள் மற்றும் சேர்க்கைகளின் செலவைக் கூட்டிய தொகை; அல்லது
2. அன்பளிப்பு ஆவணத் திகதியில் திறந்த சந்தையில் அச்சொத்திற்குக் கிடைத்திருக்கும் விலை.

(இ) 1977 மார்ச் 31 இற்குப் பின்னர் நன்கொடையாளரினால் பெறப்பட்ட, அன்பளிப்புச் செய்யப்படும் அசையாச் சொத்துத் தொடர்பில், பின்வருவனவற்றில் குறைந்த விலை:

1. நன்கொடையாளர் சொத்தைப் பெற்ற திகதியில் திறந்த சந்தையில் அதற்குக் கிடைத்திருக்கும் விலையுடன், அத்திகதிக்குப் பின்னரும் அன்பளிப்பு ஆவணத் திகதிக்கு முன்னரும் செய்யப்பட்ட மேம்பாடுகள், மாற்றங்கள் மற்றும் சேர்க்கைகளின் செலவைக் கூட்டிய தொகை; அல்லது
2. அன்பளிப்பு ஆவணத் திகதியில் திறந்த சந்தையில் அச்சொத்திற்குக் கிடைத்திருக்கும் விலை.